Dard Ka Kaisa Rishta Hai Shahnai Se
dard ka kaisa rishta hai shahnai se
laDli beTi puchh rahi hai mai se
shadabi zaKHmon mein kaise aaegi
an-ban Thahri hai meri purwai se
aankhon ke pyale mein duniya rahti hai
us ko dekhunga man ki binai se
dasht ki jaanib nikla hai phir us ke sath
yusuf dhoka khaega phir bhai se
apne andar kafi Dub chuka hun main
niklun kaise jism ki gahri khai se
soch samajh kar us se baaten karta hun
parbat paida ho jata hai rai se
sunne wala koi nahin aata 'KHurshid'
shor lipaT kar rota hai tanhai se
Khursheed Ahmad Malik 
(395) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544