Ek Mafruza Taqaddus KHud Pe Tari Kar Raha Hun
ek mafruza taqaddus KHud pe tari kar raha hun
koh-e-isyan se bahishti nahr jari kar raha hun
chahta hun arsh-o-kursi tak pahunchna rafta rafta
asfaleni KHwahishon par yun sawari kar raha hun
munhamik hai pairahan shaghli mein kyun chashm-e-taKHayyul
main abhi uryan badan par dast-kari kar raha hun
nafs-e-taskini pe us ne sau taqaze rakh diye hain
main jo har lazzat pe fikr-e-hamd-e-bari kar raha hun
sar-nigun guzra hai shayad ab ke talwaron ka mausam
be-irada shahr ki mardum-shumari kar raha hun
Khursheed Akbar 
(355) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544