KHalish
zafrani shabih thi us ki
main bhi tha sabza-e-bahaar ka rang
yun hui tez qurbaton ki dhup
rup bahrup e'tibar ka rang
bich mein aa gai KHizan aisi
barg-e-jazbaat ho gae pile
paD gai ishq par ajab uftad
phir naya mausam-e-siyasat tha
khinch gai phir fasil-e-tafriqat
dur ka Dhol jashn-e-taqribaat
qarz ki tarah husn ki KHairaat
rah gae hath kasa-e-shubhat
ek naqsha hai be-panahi ka
aur is par inayaton ki panah
ishq tha pesha-e-junun pahle
tez tha tesha-e-fusun pahle
ab to ye mangta hai KHun pahle
badle badle hain waqt aur haalat
hukmaran har taraf hue sadmat
shaghl-e-dauran hai sirf shah aur mat
DhunDhta phir raha hun rah-e-najat
KHwab par yun zawal aaya hai
qurbaton par sawal aaya hai
kya hua hum bhi chal na pae sath
ek KHalish rah gai magar jaanan
Khursheed Akbar 
(311) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544