Din Guzarte Rahe Sanson Mein Thakan Aati Rahi
din guzarte rahe sanson mein thakan aati rahi
dil mein uD uD ke wahi gard-e-mehan aati rahi
thak gae arsa-e-ehsas mein chalte chalte
rah mein hasrat-e-kotahi-e-fan aati rahi
bas dariche se lage baiThe rahe ahl-e-safar
sabza jalta raha aur yaad-e-watan aati rahi
gulshan-e-dahr mein kuchh bu-e-wafa baqi hai
ki KHizan mein bhi saba su-e-chaman aati rahi
phul aaankhon se guzar kar tah-e-dil mein bhi khila
rut bhi badli to wahi bu-e-saman aati rahi
ahl-e-duniya zar-o-gauhar ki tamanna mein rahe
os paDti rahi suraj ki kiran aati rahi
hum kabhi chaak-gareban the kabhi KHak-basar
kar guzarte rahe jo ishq mein ban aati rahi
Khursheed Rizvi 
(367) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544