Mere Nasib Ka Hai Ya Sitara KHwab Ka Hai
mere nasib ka hai ya sitara KHwab ka hai
safar ke bab mein lekin sahaara KHwab ka hai
tere KHayal ka sahra ubur karne mein
hai nafa dard ka lekin KHasara KHwab ka hai
jale-bujhe hue KHeme ki rakh mein jis ko
sitare DhunDte hain wo sharara KHwab ka hai
KHuda kare ki khule ek din zamane par
meri kahani mein jo istiara KHwab ka hai
baras raha hai zamin-e-suKHan pe jo 'KHurshid'
kisi malal ka ya abr-para KHwab ka hai
Khurshid Rabbani 
(453) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544