Ishq Ki Gum-shuda Manzilon Mein Gai
ishq ki gum-shuda manzilon mein gai
zindagi lauT kar daldalon mein gai
yas-o-hasrat bhari be-aman zindagi
aas ke reshmi aanchalon mein gai
wo sada jo fughan ban ke uTThi magar
KHamushi ke ghane jangalon mein gai
tum se ho kar juda yak-nafas dosto
zindagi marghaTon daldalon mein gai
kaun jaane ki uDti hui dhup bhi
kis taraf kaun si manzilon mein gai
subh-dam rang nikhra har ek shaKH ka
raushni shabnami konpalon mein gai
Kishwar Naheed 
(369) Peoples Rate This