Main Jis Irade Se Ja Rahi Hun Usi Irade Se LaD PaDungi
main jis irade se ja rahi hun usi irade se laD paDungi
mere sipahi ko kuchh hua to main shahzade se laD paDungi
ye khel shahon ke martabe ka hadaf banenge hamare mohre
main bebasi mein shikast khae hue piyaade se laD paDungi
main apni basti ki kachchi galiyon se ishq karti hun yaad rakhna
agar jo achchha bura kahega amir-zade se laD paDungi
asir-e-naqsh-o-nigar mujh se nahin sambhalta ye chaak-e-hasti
main thak gai to bikharti miTTi se aur burade se laD paDungi
ye sabr kab tak nibhae jaun main KHud se nazren churae jaun
jo sham-e-hijran ne jaan khai har ek wade se laD paDungi
Komal Joya 
(839) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544