Bas Ek Waqt Ka KHanjar Meri Talash Mein Hai
bas ek waqt ka KHanjar meri talash mein hai
jo rose bhes badal kar meri talash mein hai
adhure KHwabon se ukta ke jis ko chhoD diya
shikan-nasib wo bistar meri talash mein hai
aziz hun main tujhe kis qadar ki har ek gham
teri nigah bacha kar meri talash mein hai
main ek qatra hun mera alag wajud to hai
hua kare jo samundar meri talash mein hai
wo ek saya hai apna ho ya paraya ho
janam janam se barabar meri talash mein hai
main jis ke hath mein ek phul de ke aaya tha
usi ke hath ka patthar meri talash mein hai
wo jis KHulus ki shiddat ne mar Dala 'nur'
wahi KHulus mukarrar meri talash mein hai
Krishn Bihari Noor 
(572) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544