Ek Ka GhunT Samundar Ek Ka Paikar Pyas
ek ka ghunT samundar ek ka paikar pyas
pani aab-e-hayat aur sikandar pyas
amrit-bund aasman se Tapka pani
garm tawe par ek parinda-e-be-par pyas
bich ki ek lakir hi ab faisla kare
kis ke bazu pani kis ki chadar pyas
donon bahr-e-shola-e-zat donon asir-e-ana
dariya ke lab par pani dasht ke lab par pyas
rang-e-lahu se gulgun aab-e-nahr-e-furaat
ahd-e-wafa ka aaina ek samundar pyas
shayad ek KHanjar hi dil shadab kare
wo ek tanha pyasa meri ghar bhar pyas
'tur' wahi hisar hai gham-e-arzani ka
bahar ki samt naqsh hai jo ek patthar pyas
Krishna Kumar Toor 
(334) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544