Saba Ye Bargah-e-husn Mein KHabar Karna
saba ye bargah-e-husn mein KHabar karna
use to chahiye zarron ko bhi qamar karna
mein chahta hun talluq ke darmiyan parda
wo chahta hai mere haal par nazar karna
mere KHuda meri duniya hi KHatm kar dena
agar duaon ko meri tu be-asar karna
ye dekh lena mohalle ke log kaise hain
phir is ke baad hi tamir apna ghar karna
tumhaara kaam hai kichaD uchhaalna lekin
hamare zarf mein shamil hai darguzar karna
meri hayat se hai pyar is liye 'ajiz'
wo chahta hai meri umr muKHtasar karna
Laiq Aajiz 
(435) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544