Saja Rahega Andheron Se Hi KhanDar Mera
saja rahega andheron se hi khanDar mera
ek ek kar ke hua KHatm ab safar mera
mera mizaj mera tarz-e-zindagi hai juda
na ho sakega mere ghar mein bhi guzar mera
jo kaam aa sake le ja mere aziz abhi
ye tere samne hazir hai aaj sar mera
qalam uThaun ki bachchon ki zindagi dekhun
paDa hua hai dorahe pe ab hunar mera
hai KHushk patton ki manind zindagi 'ajiz'
na KHandan hai koi na koi ghar mera
Laiq Aajiz 
(528) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544