In Ke RuKH Par Hijab Rahta Hai
in ke ruKH par hijab rahta hai
jaise mah par sahab rahta hai
wasl ka jab sawal ho un se
bas nahin mein jawab rahta hai
pas rah kar bhi darmiyan apne
fasla be-hisab rahta hai
husn walon se jo wafa chahe
us ka KHana KHarab rahta hai
ham-safar sohni si ho koi
mere KHun mein chanab rahta hai
misl-e-taer hawa mein uDta hun
meri aankhon mein KHwab rahta hai
reg-e-sahra unhen nigalti hai
jin ki rah mein sarab rahta hai
man ki jis ko duaen mil jaen
umr bhar kaamyab rahta hai
jaane kis KHak se bana hun main
ruh mein iztirab rahta hai
uljhe rishton ki talKH uljhan mein
uljha uljha 'sahab' rahta hai
Laiq Akbar Sahaab 
(396) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544