Kitna Dushwar Hai Jazbon Ki Tijarat Karna
kitna dushwar hai jazbon ki tijarat karna
ek hi shaKHs se do bar mohabbat karna
jis ko tum chaho koi aur na chahe us ko
is ko kahte hain mohabbat mein siyasat karna
surmai aankh hasin jism gulabi chehra
is ko kahte hain kitabat pe kitabat karna
dil ki taKHti pe bhi aayat likhi rahti hain
waqt mil jae to un ki bhi tilawat karna
dekh lena baDi taskin milegi tum ko
KHud se ek roz kabhi apni shikayat karna
jis mein kuchh qabren hon kuchh chehre hon kuchh yaaden hon
kitna dushwar hai us shahr se hijrat karna
Liaqat Jafri 
(5031) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544