Jacha Na Kuchh Bhi Nigahon Ko Muntaha Ke Siwa
jacha na kuchh bhi nigahon ko muntaha ke siwa
jhuka ye sar na kahin un ke naqsh-e-pa ke siwa
hazar minnaten kin lakh hath phailae
mila na kuchh bhi magar zaKHm-e-iltija ke siwa
siwae us ke nahin aur kuchh bhi pas mere
tujhe main dun bhi to kya dost ab dua ke siwa
yahi hawas hai ki sara jahan ho zer-e-nagin
jahan mein kuchh bhi nahin aur is hawa ke siwa
KHulus shart hai awwal bhi aur aaKHir bhi
dayar-e-ishq mein sab hech hai wafa ke siwa
labon pe harf-e-wafa hai dilon mein bair magar
kahun main kya use yaron ki ek ada ke siwa
aziz kyun na ho ai 'chand' mujh ko ye daulat
bacha bhi kya hai mere pas ab ana ke siwa
Mahendra Partap Chand 
(385) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544