Hairat-e-jalwa Muqaddar Hai To Jalwa Kya Hai
hairat-e-jalwa muqaddar hai to jalwa kya hai
tujh se wabasta hai dil warna tamasha kya hai
koi din aur gham-e-hijr mein shadan ho len
abhi kuchh din mein samajh jaenge duniya kya hai
dil to ek aur hi aahang pe hai raqs-kunan
dil ka is umr-e-faromaya se rishta kya hai
hum use bhul chuke hain magar ai daur-e-hayat
samne aaankhon ke ye surat-e-zeba kya hai
jine walon se kaho koi tamanna DhunDen
hum to aasuda-e-manzil hain hamara kya hai
Mahmood Ayaz 
(425) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544