Koshish Zara Si Ki Jo Duaon Ke Sath Sath

koshish zara si ki jo duaon ke sath sath

jalne lage charagh hawaon ke sath sath

nikle bahaar oDh ke kuchh KHushnuma badan

KHushbu bhi ham-safar hai qabaon ke sath sath

chehra-kusha hua hai koi gesuon ke beach

lagne lagi hai dhup bhi chhanw ke sath sath

shahron se muKHtalif hain ye ganw ki laDkiyan

bharti hain gagaren bhi adaon ke sath sath

yun to main is dayar se kuchh bhi na la saka

kuchh KHak lag ke aa gai panw ke sath sath

(474) Peoples Rate This

Your Thoughts and Comments

Koshish Zara Si Ki Jo Duaon Ke Sath Sath In English By Famous Poet Mahmood Taseer. Koshish Zara Si Ki Jo Duaon Ke Sath Sath is written by Mahmood Taseer. Read famous Poem Koshish Zara Si Ki Jo Duaon Ke Sath Sath for youth and Student by Mahmood Taseer. Free Download Koshish Zara Si Ki Jo Duaon Ke Sath Sath in PDF.