Rahen To Bahut Thin Zindagi Mein
rahen to bahut thin zindagi mein
hum kho gae ishq-o-ashiqi mein
jo baat kisi mein chahte the
ab tak na mili hamein kisi mein
wo lamha jo tere sath guzra
wo lamha bahut hai zindagi mein
paikar hai wo ek sadgi ka
sau rang hain us ki sadgi mein
dariya pe bhi ja ke lauT aae
Dube hue kaif-e-tishnagi mein
anjam-e-bahaar sujhta kya
aaghaz-e-bahaar ki KHushi mein
aaise bahut aaftab ubhre
jo Dub gae hain tirgi mein
Mahshar Badayuni 
(373) Peoples Rate This