Haar Kar Hijr-e-na-tamam Se Hum
haar kar hijr-e-na-tamam se hum
chupke baiThe hue hain sham se hum
kaise itra rahe hain apni jagah
ho ke mansub un ke nam se hum
bas ki diwana hi kahenge log
aashna hain mazaq-e-am se hum
un ki aankhon ko jam kah to diya
ab nigahen laDaen jam se hum
ruKH pe zulfen bikhere aa jao
lau lagae hue hain sham se hum
nam kyun len kisi ke kuche ka
ek jagah ja rahe hain kaam se hum
un ko pana hai kis liye 'mahshar'
baz aaen KHayal-e-KHam se hum
Mahshar Inayati 
(378) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544