Ghuncha-e-dil Ki Bikharta Bhi Dikhai Na Diya
ghuncha-e-dil ki bikharta bhi dikhai na diya
aisa bikhra ki ishaara bhi dikhai na diya
kis ke ham-rah nazar aata tha tanha tanha
kis se bachhDa hun ki tanha bhi dikhai na diya
raushni ki wo chaka-chaundh thi aankhon mein ki hum
shahr se nikle to sahra bhi dikhai na diya
sard-mehri-e-zamana ki sulagti hui aag
kya bala thi ki dhuan sa bhi dikhai na diya
un kitabon pe to hum ne bhi kiya hai kuchh kaam
jin mein ek harf-e-tamanna bhi dikhai na diya
bas chale the ki ghubar-e-rah-e-manzil uTTha
chehre wo badle ki apna bhi dikhai na diya
raat bhar KHun ke dariya mein nahaya KHurshid
daman-e-subh pe dhabba bhi dikhai na diya
sara aalam tha ki tarik nazar aata tha
aur 'mahshar' ko dhundlaka bhi dikhai na diya
Mahshar Inayati 
(436) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544