Marhaba Tum Bhi Zarurat Se Mile
marhaba tum bhi zarurat se mile
kaun hai ab jo mohabbat se mile
zindagi ne jo diye hum ko sabaq
wo kahan pand-o-nasihat se mile
dil milane se bhala kya hasil
jab tabiat na tabiat se mile
hae wo shahr-e-aman jis mein hum
rose ek taza qayamat se mile
ye jo palkon pe saje hain moti
sab hamein us dar-e-daulat se mile
kaun hoga wo ba-juz aaina
shakl jis ki teri surat se mile
aaj phenki gai hum par kuchh KHak
aaj hum apni haqiqat se mile
hum ne samjha hai unhen pyar ke phul
zaKHm jo sang-e-malamat se mile
the wo ujlat mein gae ye kah kar
jis ko fursat ho wo fursat se mile
Mahtab Alam 
(494) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544