Dil To Ek ShaKHs Ko NaKHchir Banane Mein Gaya
dil to ek shaKHs ko naKHchir banane mein gaya
saz-e-dil naghma-e-dil-gir banane mein gaya
raat ek KHwab jo dekha to hua ye malum
din bhi us KHwab ki taswir banane mein gaya
partaw-e-KHana-e-mauhum ghanimat tha magar
wo bhi ek naqsha-e-tamir banane mein gaya
ruh to ruh hai kuchh bas nahin is par lekin
ye badan KHak ko iksir banane mein gaya
yar to dirham o dinar banane mein gae
aur main ishq ki jagir banane mein gaya
sher tasir se KHali hua waqt-e-tabir
nafs-e-mazmun bhi taqrir banane mein gaya
Mahtab Haider Naqvi 
(398) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544