Ek Tufan Ka Saman Bani Hai Koi Chiz
ek tufan ka saman bani hai koi chiz
aisa lagta hai kahin chhuT gai hai koi chiz
sab ko ek sath bahae liye jata hai ye sail
wo talatum hai ki achchhi na buri hai koi chiz
ek main kya ki mah o sal uDe jate hain
ai hawa tujh se zamane mein bachi hai koi chiz
ishq ne KHud ruKH-e-gulnar ko baKHsha hai farogh
warna kab apne banae se bani hai koi chiz
yani zaKHmon ke gulistan pe bahaar aa gai phir
yani ab bhi meri aashufta-sari hai koi chiz
shairi kya hai mujhe bhi nahin malum magar
log kahte hain ki ye dil ki lagi hai koi chiz
Mahtab Haider Naqvi 
(431) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544