Ek Umr Dil Ki Ghat Se Tujh Par Nigah Ki

ek umr dil ki ghat se tujh par nigah ki

tujh par teri nigah se chhup kar nigah ki

ruhon mein jalti aag KHayalon mein khilte phul

sari sadaqaten kisi kafir nigah ki

jab bhi gham-e-zamana se aankhen huin do-chaar

munh pher kar tabassum-e-dil par nigah ki

bagen khinchin masafaten kaDkin faras ruke

mazi ki rath se kis ne palaT kar nigah ki

donon ka rabt hai teri mauj-e-KHiram se

laghzish KHayal ki ho ki Thokar nigah ki