Jawani Ki Kahani
na chheD ai dil jawani ki kahani
kisi ki dil-sitani ki kahani
wo soz-e-zindagi-afroz ka zikr
wo dard-e-jawedani ki kahani
wo dukh ki jagti raaton ka qissa
wo ashkon ki rawani ki kahani
bahaaren mastiyon ki dastanen
KHumarin sargirani ki kahani
masarrat-ashna gham ka fasana
gham-agin shadmani ki kahani
wo honTon se lage jamon ka qissa
wo aatish-mauj pani ki kahani
meri aaankhon mein aansu jhum aae
na chheD ai dil jawani ki kahani
Majeed Amjad 
(383) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544