Jazbon Ko Zaban De Raha Hun
jazbon ko zaban de raha hun
main waqt ko dan de raha hun
mausam ne shajar pe likh diya kya
har harf pe jaan de raha hun
yun hai nam-e-KHak ban ke jaise
faslon ko uThan de raha hun
jo jo bhi KHamida-sar hain un ke
hathon mein kaman de raha hun
kaisi had-e-jabr hai ye jis par
be-waqt azan de raha hun
auqat meri yahi hai 'majid'
haari hui lagan de raha hun
Majid Siddiqui 
(401) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544