Bahut TalKH Hain Zindagi Ke Fasane
bahut talKH hain zindagi ke fasane
mere KHwab hain phir bhi kitne suhane
sahaara na deti agar mauj-e-tufan
Dubo hi diya tha hamein na-KHuda ne
sahar ko to aana hai aa kar rahegi
kaTe kaise lekin ye shab kaun jaane
giri aur girti rahi barq-e-sozan
bane aur bante rahe aashiyane
sitaron se aage bahut kuchh hai mana
zamin par bhi jine ke hon kuchh bahane
'kalim' aaj kya soch kar ho gae chup
are aa gae yaad kab ke zamane
Makeen Ahsan Kaleem 
(393) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544