Mulaqat

main aaftab pi gaya hun

sans aur baDh gai hai

tishnagi hi tishnagi

tu sar-zamin-e-itr-o-nur se utar ke

aaftab ban ke aa gai

bilor ka jahaz

abr se pare

rawan rawan

idhar andheri raat hai

shafaq ki tegh-e-surKH us taraf

tamam aasman

shahab hi shahab hai

gulal hi gulal hai

sitara ham-nashin hai

mah ham-nafas hai

saz-e-jaan-nawaz sath hai

gurez-pa safar ka

ek ek pal hai

jawedan

ilahi ye safar kabhi na KHatm ho