Agar Chahun JhaTak Kar ToD Dun Zanjir-e-tanhai
agar chahun jhaTak kar toD dun zanjir-e-tanhai
main tinka hun magar maujon se hai meri shanasai
sharik-e-rah thi jab tak hamari aabla-pai
na mathe par shikan ubhri na panw mein thakan aai
hawa se subh-e-na-asudgi achchha kiya tu ne
kitab-e-zindagi ke kuchh waraq tu bhi uDa lai
hazaron marhale the fasl-e-gul se chaak-e-daman tak
KHizan guzri to kab guzri bahaar aai to kab aai
'nasim' ek din wo aaega ki mazlumon ke qadmon mein
panahen DhunDhti hogi sitam-ranon ki darai
Malika Naseem 
(458) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544