Payam-e-yas Na De Ai Nigah-e-yar Mujhe
payam-e-yas na de ai nigah-e-yar mujhe
rakh iztirab ki KHatir umid-war mujhe
nae karishme dikhata hai e'tibar mujhe
KHizan hai aalam-e-nairangi-e-bahaar mujhe
wufur-e-shauq se aankhon mein ruh khich aai
payam-e-maut tha wade ka e'tibar mujhe
nazar uTha ki meri zindagi kahe labbaik
main kho na jaun kahin ek zara pukar mujhe
jaza hai gham ki to mil jae aaj ai 'mani'
ki sau ghamon ka hai gham kal ka intizar mujhe
Mani Jayasi 
(427) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544