AaKHiri Koshish Bhi Kar Ke Dekhte
aaKHiri koshish bhi kar ke dekhte
phir usi dar se guzar ke dekhte
guftugu ka koi to milta sira
phir use naraaz kar ke dekhte
kash juD jata wo TuTa aaina
hum bhi kuchh din ban sanwar ke dekhte
rah-guzar hi ko Thikana kar liya
kab talak hum KHwab ghar ke dekhte
kash mil jata kahin sahil koi
hum bhi kashti se utar ke dekhte
ho gaya tari sanwarne ka nasha
warna KHwahish thi bikhar ke dekhte
dard hi gar hasil-e-hasti hai to
dard ki had se guzar ke dekhte
Manish Shukla 
(476) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544