Dil Bhi Jaise Hamara Kamra Tha
dil bhi jaise hamara kamra tha
kul asasa zamin pe bikhra tha
aasman hi uTha liya sar pe
jaane kya kuchh zamin pe guzra tha
phir nai KHwahishen ubhar aain
dil abhi hadson se ubra tha
chand ki chandni baja lekin
rang us ka bhi saf suthra tha
kya hua Dub kyun gaya aaKHir
KHwab to sahilon pe utra tha
aashiyan to bana liya lekin
ab hamein aandhiyon ka KHatra tha
ab faqat zindagi bitate hain
warna apna bhi naz-o-naKHra tha
Manish Shukla 
(363) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544