Aankhon Se Mohabbat Ke Ishaare Nikal Aae
aankhon se mohabbat ke ishaare nikal aae
barsat ke mausam mein sitare nikal aae
tha tujh se bichhaD jaane ka ehsas magar ab
jine ke liye aur sahaare nikal aae
main ne to yunhi zikr-e-wafa chheD diya tha
be-saKHta kyun ashk tumhaare nikal aae
jab main ne safine mein tera nam liya hai
tufan ki bahon se kinare nikal aae
hum jaan to bacha late magar apna muqaddar
is bhiD mein kuchh dost hamare nikal aae
jugnu inhen samjha tha magar kya kahun 'mansur'
muTThi ko jo khola to sharare nikal aae
Mansoor Usmani 
(403) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544