Haalat Kya Ye Tere BichhaDne Se Ho Gae
haalat kya ye tere bichhaDne se ho gae
lagta hai jaise hum kisi mele mein kho gae
aankhen baras gain to sukun dil ko mil gaya
baadal to sirf sukhi zaminen bhigo gae
kitni kahaniyon se mila zindagi ko husn
kitne fasane waqt ki chadar mein so gae
aankhon se nind ruThi to nuqsan ye hua
mere hazaron KHwab mere dil mein so gae
'mansur' muddaton se mujhe un ki hai talash
nafrat ke bij mere chaman mein jo bo gae
Mansoor Usmani 
(426) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544