Gar Jazba-e-wahshat Ka Ai Dil Yahi Unwan Hai
gar jazba-e-wahshat ka ai dil yahi unwan hai
do rose ka daman hai do din ka gareban hai
hansne mein ki rone mein marne mein ki jine mein
malum nahin kis mein KHushnudi-e-jaanan hai
hum wahshiyon ka maskan kya puchhta hai zalim
sahra hai to sahra hai zindan hai to zindan hai
zindan mein KHayal itna ai dast-e-junun rakhna
ta-umr asiri hai aur ek gareban hai
allah zamane ke dil ko rakhe qabu mein
hum jaante hain manzar kyun chaak gareban hai
Manzar Lakhnavi 
(335) Peoples Rate This