Us Bahr Mein Dub Kyun Na Jaun
us bahr mein Dub kyun na jaun
kyun mauj na ek aur uThaun
main qatra-e-ab se bana mauj
kya bahr ke aur kaam aaun
gar koi sadaf qubul kare
main ban ke guhar use dikhaun
shayad koi lahr lene aae
sahil ke qarib ghar banaun
tu apne KHayal mein magan ho
main dur se koi git gaun
ashkon ki jhaDi lagi hui ho
bhiga hua tere pas aaun
ek umr ki dastan-e-girya
dariya ke siwa kise sunaun
Manzoor Arif 
(362) Peoples Rate This