Shauq Jab Jurat-e-izhaar Se Dar Jaega
shauq jab jurat-e-izhaar se Dar jaega
lafz KHud apna gala ghunT ke mar jaega
tez-raftar hawaon ko ye ehsas kahan
shaKH se TuTega patta to kidhar jaega
ye chamakta hua suraj bhi meri sham ke baad
raat ke gahre samundar mein utar jaega
sirf ek ghar ko Dubona hi nahin kaam is ka
ab ye sailab kisi aur ke ghar jaega
hain har ek samt yahi log yahi duniya hai
in se bach ke koi jae to kidhar jaega
kaam itna to karega ye ubalta hua KHun
sare manzar mein mera rang to bhar jaega
Manzoor Hashmi 
(480) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544