Na Koi Dar Na Daricha Magar Makan To Hai
na koi dar na daricha magar makan to hai
zamin hai zer-e-qadam sar pe aasman to hai
hazar jalwon ka to raaz-dan hai aaina
hui na aankh mayassar tujhe zaban to hai
badalta rahta hai rang aasman lamhon mein
sitam-shiar abhi mujh se KHush-guman to hai
gham-e-hayat se ghabra ke tajarbe ke liye
chale hi jaenge ab dusra jahan to hai
tamam sahra-o-dasht-o-jabal kahen labbaik
azal se phaili fazaon mein ek azan to hai
zahe-nasib jagah thoDi chashm-e-tar mein mili
sulagti dhup mein ek sard saeban to hai
mohr-ba-lab hun pa shart-e-kalam qaem hai
meri shakeb-e-ayazi ka imtihan to hai
saud fikr-e-taghazzul ko bojh hai to rahe
har ek harf haqiqat ka tarjuman to hai
asar ke sher mein husn-o-kashish ki hai taujih
nai jihat na sahi zeb-e-dastan to hai
Marghoob Asar Fatmi 
(477) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544