Yunhi Chupke Chupke Rona Yunhi Dil Hi Dil Mein Baaten
yunhi chupke chupke rona yunhi dil hi dil mein baaten
baDi kashmakash ke din hain baDi uljhanon ki raaten
hai nafas nafas farozan hai mizha mizha charaghan
baDi dhum se uThi hain gham-o-dard ki baraaten
mere zehn ki KHala mein mere dil ki wusaton mein
kahin rang-o-bu ke KHeme kahin nur ki qanaten
unhen ai gham-e-zamana kabhi raegan na karna
hain bahut latif-o-nazuk gham-e-dil ki wardaten
ye 'jamal' mai-kada hai nahin yan koi takalluf
o arab ajam ke jhagDe na hasab nasab na zaten
Masood Akhtar Jamal 
(463) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544