Dard-e-alam Bhi Kahin Dard-e-mohabbat Hi Na Ho
dard-e-alam bhi kahin dard-e-mohabbat hi na ho
dil ke bahlane ki ye bhi koi surat hi na ho
aaj tazin-e-jamal ek fasana hi sahi
kal ye mashshatgi-e-husn haqiqat hi na ho
un ki aankhon mein machalta hai jo afsana-e-shauq
sochta hun kahin wo meri hikayat hi na ho
be-ruKHi par jise mahmul kiya karta hun
wo bhi kuchh aap ka andaz-e-mohabbat hi na ho
aaj KHud husn ko dekha hai sar-e-kucha-e-ishq
dekhen aaghaz koi taza riwayat hi na ho
aql bhi ab rasan-o-dar tak aa pahunchi hai
tiflak-e-shauq ki ek ye bhi shararat hi na ho
Mazhar Imam 
(399) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544