Chupke Chupke Ye Kaam Karta Ja
chupke chupke ye kaam karta ja
kaam sab ka tamam karta ja
hum ko badnam kar zamane mein
kuchh zamane mein nam karta ja
yaad ki shah-rah-e-simin par
ai saman-bar KHiram karta ja
ai ki tera mizaj shabnam sa
barg-e-dil par qayam karta ja
ashk aankhon mein le ke ruKHsat ho
mera marna haram karta ja
bastiyon ka ujaDna basna kya
be-jhijak qatl-e-am karta ja
dastan-go teri kahani mein
ramz kiya hai kalam karta ja
chaar chhai sher kaam ke kah le
kuchh to 'mazhar--imam' karta ja
Mazhar Imam 
(403) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544