Har Ek ShaKHs Ka Chehra Udas Lagta Hai
har ek shaKHs ka chehra udas lagta hai
ye shahr mera tabiat-shanas lagta hai
khila ho bagh mein jaise koi safed gulab
wo sada rang nigahon ko KHas lagta hai
supurdagi ka nasha bhi ajib nashsha hai
wo sar se panw talak iltimas lagta hai
hawa mein KHushbu-e-mausam kahin siwa to nahin
wo pas hai ye baid-az-qayas lagta hai
Mazhar Imam 
(416) Peoples Rate This