Tere KHayal Ka Shoala Thama Thama Sa Tha
tere KHayal ka shoala thama thama sa tha
tamam shahr-e-tamanna bujha bujha sa tha
na jaane mausam-e-talwar kis tarah guzra
mere lahu ka shajar to jhuka jhuka sa tha
hamein bhi nind ne thapki di so gae tum bhi
tamam hadsa-e-shab suna suna sa tha
bala-e-sham ke sae the aur wadi-e-dil
agarche subh ka chehra dhula dhula sa tha
charag manzil-e-dil par jala ke kya karte
wafa ka qafila kab se ruka ruka sa tha
wo nam jis ke liye zindagi ganwai gai
na jaane kya tha magar kuchh bhala bhala sa tha
Mazhar Imam 
(361) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544