Tere KHayal Ka Shoala Thama Thama Sa Tha

tere KHayal ka shoala thama thama sa tha

tamam shahr-e-tamanna bujha bujha sa tha

na jaane mausam-e-talwar kis tarah guzra

mere lahu ka shajar to jhuka jhuka sa tha

hamein bhi nind ne thapki di so gae tum bhi

tamam hadsa-e-shab suna suna sa tha

bala-e-sham ke sae the aur wadi-e-dil

agarche subh ka chehra dhula dhula sa tha

charag manzil-e-dil par jala ke kya karte

wafa ka qafila kab se ruka ruka sa tha

wo nam jis ke liye zindagi ganwai gai

na jaane kya tha magar kuchh bhala bhala sa tha