KHud Se Guzre To Qayamat Se Guzar Jaenge Hum
KHud se guzre to qayamat se guzar jaenge hum
yani har haal ki haalat se guzar jaenge hum
aalam-e-wusat-e-imkan nazar aaega hamein
yani har duri o qurbat se guzar jaenge hum
KHatm ho jaegi sab kashmakash-e-harf-o-adad
yani har manfi o musbat se guzar jaenge hum
na makan hoga wajud aur na zaman hoga adam
yani har tangi o wusat se guzar jaenge hum
aalam-e-hu dil-e-bina ko nazar aaega
hasrat o wahshat o hairat se guzar jaenge hum
Meer Ahmad Naved 
(415) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544