Dil-o-dida Par Kya Ijara Hamara

dil-o-dida par kya ijara hamara

na sahra hamara na dariya hamara

falak bhi jo chahe to achchhe na honge

hamara adu hai masiha hamara

gareban wahshat ne phaDa to kya gham

KHuda rakhne wala hai parda hamara

mohabbat nibhe but ki ho KHana-e-dil

hamara tumhaara tumhaara hamara

hum ai 'rashk' miTte rahe aabru par

raha naqsh-bar-ab naqsha hamara