Ibtida Se Hum Zaif O Na-tawan Paida Hue
ibtida se hum zaif o na-tawan paida hue
uD gaya jab rang ruKH se ustuKHan paida hue
KHaksari ne dikhain rifaton par rifaten
is zamin se wah kya kya aasman paida hue
ilm KHaliq ka KHazana hai miyan-e-kaf-o-nun
ek kun kahne se ye kaun-o-makan paida hue
zabt dekho sab ki sun li aur kuchh apni kahi
is zaban-dani par aise be-zaban paida hue
shor-baKHti aai hisse mein unhin ke wa nasib
talKH-kaami ke liye shirin-zaban paida hue
ehtiyat-e-jism kya anjam ko socho 'anis'
KHak hone ko ye musht-e-ustuKHwan paida hue
Meer Anees 
(668) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544