Mera Raaz-e-dil Aashkara Nahin
mera raaz-e-dil aashkara nahin
wo dariya hun jis ka kinara nahin
wo gul hun juda sab se hai jis ka rang
wo bu hun ki jo aashkara nahin
wo pani hun shirin nahin jis mein shor
wo aatish hun jis mein sharara nahin
bahut zal-e-duniya ne din baziyan
main wo naujawan hun jo haara nahin
jahannam se hum be-qararon ko kya
jo aatish pe Thahre wo para nahin
faqiron ki majlis hai sab se juda
amiron ka yan tak guzara nahin
sikandar ki KHatir bhi hai sadd-e-bab
jo dara bhi ho to madara nahin
kisi ne teri tarah se ai 'anis'
urus-e-suKHan ko sanwara nahin
Meer Anees 
(660) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544