Dilbar Se Hum Apne Jab Milenge
dilbar se hum apne jab milenge
is gum-shuda dil se tab milenge
ye kis ko KHabar hai ab ke bichhDe
kya jaaniye us se kab milenge
jaan-o-dil-o-hosh-o-sabr-o-taqat
ek milne se us ke sab milenge
duniya hai sambhal ke dil lagana
yan log ajab ajab milenge
zahir mein to Dhab nahin hai koi
hum yar se kis sabab milenge
hoga kabhi wo bhi daur jo hum
dildar se roz-o-shab milenge
aaram 'hasan' tabhi to hoga
us lab se jab apne lab milenge
Meer Hasan 
(417) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544