Humse Kar Tu Ki Ya Na Kar IKHlas
hum se kar tu ki ya na kar iKHlas
hum ko hai tujh se yar par iKHlas
apne muKHlis ki baat ka hargiz
mat bura man hai agar iKHlas
mere aur us ke kyunki sohbat ho
pamba se kab rakhe sharar iKHlas
KHun ho kar bhi teri tarf bahe
tujh se rakkhe the dil jigar iKHlas
hai ghanimat rahe jo koi din
hum mein aur us mein yak-digar iKHlas
wo nahin waqt ab ki har yak mein
dekhte the jidhar-tidhar iKHlas
is zamane mein ai 'hasan' mat puchh
hai mohabbat kahan kidhar iKHlas
Meer Hasan 
(404) Peoples Rate This