Sau Ki Ek Baat Main Kahi To Hai
sau ki ek baat main kahi to hai
yani jo kuchh ki hai wahi to hai
did-e-wa-dida ko ghanimat jaan
hasil-e-zindagi yahi to hai
tere didar ke liye ye dekh
jaan aankhon mein aa rahi to hai
Dah gaya ho na KHana-e-dil aaj
sail-e-KHun-chashm se bahi to hai
wan bhi rahat ho ya na ho dekhen
ek musibat yahan sahi to hai
mujh sa uryan kahan hai gul us ke
rang ke bar mein ek yahi to hai
tere ahwal se 'hasan' bare
us ko thoDi si aagahi to hai
Meer Hasan 
(392) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544