Wafadar Ho Ya Jafa-kar Tum Ho
wafadar ho ya jafa-kar tum ho
jo kuchh ho so ho par mere yar tum ho
ujaDo mere dil ko ya phir basao
meri jaan is ghar ke muKHtar tum ho
juda sab se ho aur sab se mile ho
gharaz kya kahun ek ayyar tum ho
KHuda jaaniye dil pe kya guzre aaKHir
ye ahl-e-wafa hai sitamgar tum ho
bane is tabiat se kyunkar kisi ki
zara ji mein munsif to dildar tum ho
KHafa hote hain hum to KHush hote ho tum
jo KHush hote hum hain to bezar tum ho
nahin be-sabab ye 'hasan' sard aahen
kahin in dinon mein giraftar tum ho
Meer Hasan 
(460) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544